Oman rəsmilərinin ölkənin neft hasilatını artırmaqla bağlı açıqlamasından sonra dünya bazarında neftin qiyməti yenidən enişə keçib.

Axar.az "Bloomberg"ə istinadən xəbər verir ki, London birjasında "Brent" markalı neftin bir barrelinin qiyməti 2,74 faiz ucuzlaşaraq 58,57 dollara satılıb.

Nyu York birjasında VTI (West Texas Intermediate) markalı neftin bir barreli isə 3,60 faiz ucuzlaşaraq 48,98 dollar olub.

Hazırda qiymətlər ucuzlaşmaqda davam edir.

Qeyd edək ki, son günlərdə birjalarda "Brent" markalı neftin bir barrelinin qiyməti 60 dollardan yuxarı idi.