"DəmirBank" müştərilərinə 10 faizədək güzəştli kreditlər təklif edir.

"DəmirBank" ASC-nin İctimaiyyətlə Əlaqələr şöbəsinin əməkdaşı Təhminə Paşayevanın Axar.az-a verdiyi məlumata görə, nağd pul krediti götürmək istəyən müştərilər 5000-dək nağd pul kreditini illik faiz dərəcəsində 10%-dək endirimlə əldə edə bilərlər. Bununla yanaşı, "DəmirBank" ABŞ dolları valyutası ilə verilən digər kreditlərə də əlavə 2% endirim tətbiq edir.

Məlumatda bildirilir ki, bank müştərilərinə sərfəli şərtlərlə istehlak və biznes kreditlərinin verilişini davam etdirir. Şərtlərə əsasən, şəxsiyyət vəsiqəsi və iş yerindən arayış təqdim etməklə, mövcud istehlak kreditlərindən ("Təhsil işçilərinə kredit", "Səhiyyə işçilərinə kredit", "Dövlət qulluqçularına kredit", "Dövlət işçilərinə kredit", "Təqaüdçülərə kredit", "Qızılla kredit", "Məişət texnikası krediti", "Təmir krediti") yararlanmaq mümkündür. Bununla yanaşı, "DəmirBank" sahibkarlığın inkişafı üçün də sahibkarlara uyğun şərtlərlə biznes kreditləri təklif edir. Burada isə minimum 12 ay stabil biznes fəaliyyəti olan, istehsalat, ticarət və təsərrüfatla məşğul olan fiziki və hüquqi şəxslər biznes kreditlərindən faydalana bilərlər. Kreditin məbləğindən asılı olaraq onun təminatı qismində zaminlik, avtomobil, şəxsi ev əmlakı, daşınan və daşınmaz əmlak, biznes avadanlıqları, qiymətli metallar, qiymətli kağızlar, dövriyyədə olan əmtəə-mal qalığı ola bilər.