"Avropa İttifaqı Rusiyanın "Cənub Axını" qaz layihəsini dayandırmasından sonra Azərbaycan, Türkmənistan və Əlcəzairlə əməkdaşlıq etmək niyyətindədir".

Axar.az xəbər verir ki, bu barədə "Faynəşl Tayms" qəzeti yazıb. Qəzet Aİ-nin enerji məsələləri üzrə komissarı Maroş Şefçoviçin bu gün Brüsseldə yeni Enerji Birliyi layihəsini təqdim edəcəyini xatırladıb:

"Aİ layihəyə alternativ təchizatçıları cəlb etməyə çalışır və bu istiqamətdə Azərbaycan, Türkmənistan və Əlcəzairlə əməkdaşlıq etmək niyyətindədir".

Xatırladaq ki, Rusiya ötən ilin dekabrında "Cənub Axını" qaz layihəsini dayandırıb.

Qeyd edək ki, yeni Enerji Birliyi layihəsi Avropa İttifaqına üzv ölkələrin Rusiya qazından asılılığını azaltmaq üçün nəzərdə tutulub.