Neftin ucuzlaşmasından sonra sürətlə dəyərdən düşən rubl daha bir problemlə uzləşib.

Axar.az xəbər verir ki, Maliyyə Nazirliyinin nəzdindəki "Qoznak" hər il pulun hazırlanması üçün İsveçrədən rəng, Almaniyadan xüsusi qatqılar və İtaliyadan metallaşdırılmış saplar alır.

Rusiyanin "İzvestiya" qəzetinin verdiyi məlumata görə, dövlət hər il bu komponentlərin alınmasına 1 milyon avrodan çox pul xərcləyir.

"Qoznak"dan bildirilib ki, xarici komponentlərin alınması ilbəil azalır. Sentyabrda İsveçrə frankının rubla nisbətən bahalaşmasından sonra Rusiyada kağız valyuta istehsalı 32 faiz azalıb. Bu da dövriyyəyə yeni əsginazların buraxılmasına ciddi maneə törədir.