Azərbaycanın antiböhran proqramı 2,5 milyard manat olmaqla ÜDM-in 3,1 faizini təşkil edir.

Axar.az xəbər verir ki, bu sözləri İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib. O bildirib ki. digər, xüsusilə qonşu ölkələrdə vəziyyət bu cürdür:

“Gürcüstan hökuməti 1 milyard gürcü larisi dəyərində, yəni ÜDM-in 2 faizi həcmində yardım paketi qəbul edib. Rusiya 300 milyard rubl civarında yardım paketi qəbul edib ki, bu da Rusiya ÜDM-nin 0,3 faizini təşkil edir. Türkiyə Cümhuriyyəti ÜDM-nin 2 faizini təşkil edən 100 milyard TL-lik yardım paketi açıqlayıb. Qırğız Respublikasının ÜDM-in 1 faizi həcmində, başqa sözlə desək 9,4 milyon ABŞ dolları, Özbəkistan isə 1 milyard ABŞ dolları məbləğində və ya ÜDM-in 1,5 faizi həcmində anti-böhran paketi qəbul edib”.

Ekspert bildirib ki, müqayisə Azərbaycanın dəstək proqramının digər ölkələrlə müqayisədə kifayət qədər miqyaslı olduğunu göstərir.