Məşğulluq Xidmətində qeydiyyatda olan 250 min vətəndaşımıza birdəfəlik yardımın ödənilməsi ilə bağlı tədbirlər planı hazırdır. Həmin vətəndaşlarımız aprel və may aylarında 190 manat yardım almaq imkanına sahib olacaqlar.

Axar.az xəbər verir ki, bu sözləri iqtisadçı alim, Milli Məclisin deputatı Vüqar Bayramov “ATV Qərargah” verilişində deyib.

V.Bayramov artıq işsiz kimi qeydiyyatda olan insanların siyahısının hazır olduğunu bildirib:

“Məşğulluq Xidmətində qeydiyyatda olan vətəndaşlarımızın siyahısı tərtib edilib. Həmin siyahıya uyğun olaraq tədbirlər planı çərçivəsində ödənişlər ediləcək. Hazırda ödənişlərin hansı yolla olacağı ilə bağlı təkliflər müzakirə olunur. Ödənişlərin plastik kartlarla verilməsi nəzərdə tutulub".

V.Bayramov işsiz kimi qeydiyyatda olmayanların elektron qeydiyyatına başlanılacağını da bildirib:

"Bu vətəndaşlarımız da qeydiyyata alındıqdan sonra birdəfəlik ödənişdən yararlana biləcəklər”.