"Ümid edirəm ki, 2018-ci ilin sonunda "Şahdəniz 2" layihəsinin təbii qazını həm Türkiyədə, həm də Avropada istifadə edəcəyik".

Axar.az "Anadolu Agentliyi"nə istinadən xəbər verir ki, bu açıqlama ilə Türkiyənin enerji və təbii qaynaqlar naziri Taner Yıldız çıxış edib. O, TANAP layihəsinin maksimum şəkildə ətraf mühitə zərər vermədən reallaşacağını bildirib:

"Xam neftin qiymətinin düşməsi öz növbəsində təbii qazın qiymətlərinə də təsir edir. Lakin buna baxmayaraq, biz layihənin davam etdirilməsi qənaətindəyik. Layihəni maksimum şəkildə ətraf mühitə, faunaya zərər vermədən reallaşdıracağıq. Qərb standartlarının hamısı dərhal tətbiq olunacaq. Ümid edirəm ki, 2018-ci ilin sonunda "Şahdəniz 2" layihəsinin təbii qazını həm Türkiyədə, həm də Avropada istifadə edəcəyik. Biz bu işlərdən peşman deyilik və xoşbəxtik. Türkiyənin 2040-2050-ci illərinə zəmin hazırlayırıq".

Xatırladaq ki, bu gün Türkiyədə SOCAR, BP və Türkiyənin BOTAŞ şirkəti arasında Trans-Anadolu qaz boru kəməri (TANAP) layihəsi çərçivəsində müqavilə imzalanıb. Müaviləyə əsasən, TANAP layihəsində ARDNŞ 58, BP 12, BOTAŞ isə 30 faiz paya sahib olub.

Qeyd edək ki, TANAP layihəsinin təməlqoyma mərasimi martın 17-də Türkiyənin Qars şəhərində keçiriləcək.