Rusiya iqtisadiyyatı Qərbin sanksiyalarına baxmayaraq, dirçəlməkdədir. Musavat.com-un məlumatına görə, bu barədə "Bloomberg" nəşri yazıb.

Analitiklərin fikrincə, rubl stabilləşməkdə, 2015-ci ildə onun kursunun dəyişməsi 30 ən ticari valyuta arasında daha az səviyyədə müşahidə edilməkdədir. Hazırda rus rublunun dəyişməsi 2009-cu ildəki səviyyədədir.

"Bloomberg" təhlilçiləri onu da qeyd edirlər ki, Rusiya şirkətlərinin səhmlərini saxlayanların gəlirləri də artmaqdadır. "2015-ci ildə bu, 7,3% təşkil edib" – analizdə bildirilir.

Az öncə Rusiyanın Maliyyə naziri Anton Siluanov bəyan eləmişdi ki, rubl neft qiymətlərinə demək olar, reaksiya vermir.