"DəmirBank" sahibkarlığın inkişafı üçün sahibkarlara sərfəli şərtlərlə biznes kreditləri təklif edir.

"DəmirBank" ASC-nin İctimaiyyətlə əlaqələr şöbəsinin əməkdaşı Təhminə Paşayevanın Axar.az-a verdiyi məlumata görə, sahibkarlar Bankın istənilən filialına müraciət etməklə 100 min AZN-dək məbləğdə mikro və kiçik kreditlərdən yararlana bilərlər.

Məlumatda bildirilir ki, müddəti 36 ayadək olan mikro və kiçik kreditlərin məbləğindən asılı olaraq onun təminatı qismində zaminlik, avtomobil, şəxsi ev əmlakı, daşınan və daşınmaz əmlak, biznes avadanlıqları, qiymətli metallar, qiymətli kağızlar, dövriyyədə olan əmtəə-mal qalığı ola bilər.

Qeyd edək ki, "DəmirBank" eyni zamanda müxtəlif proqramlar üzrə əhaliyə və şirkətlərə geniş çeşiddə kredit məhsulları da təqdim edir. Bu sırada ipoteka krediti, avtomobil krediti, təhsil və səhiyyə işçilərinə kredit, dövlət işçilərinə kredit və digər istehlak kreditləri mövcuddur.