Dünya bazarında neftin qiyməti ucuzlaşmaqda davam edir.

Axar.az "Bloomberg" agentliyinə istinadən xəbər verir ki, London birjasında "Brent" markalı xam neftin bir barrelinin qiyməti 3,77% və ya 2,15 dollar ucuzlaşaraq 54,95 dollara satılıb.

VTI (West Texas Intermediate) markalı xam neftin bir barrelinin qiyməti isə 1,90% və ya 0,95 dollar ucuzlaşaraq 49,14 dollar olub.

Qeyd edək ki, dünya bazarında neftin qiyməti İran ilə Altılıq ölkələri arasında nüvə razılaşmasının əldə edilməsindən sonra ucuzlaşıb. Analitiklər Pasxa bayramına görə xarici bazarların bağlı olduğunu və əldə edilən nüvə razılaşmasının İranın daha çox neft ixrac etməsinin önünü açdığını, nəticədə isə qiymətlərin ucuzlaşdığını bildirirlər.