Ana səhifə İqtisadiyyat |
Bu ilin əvvəlinə Dövlət Neft Fondunun (ARDNF) Rusiyadakı investisiya portfeli 568 milyon dollar məbləğində qiymətləndirilir.
Fins.az-ın verdiyi məlumata görə, bu barədə ARDNF-in icraçı direktoru Şahmar Mövsümov məlumat verib.
Onun sözlərinə görə, söhbət Moskvada alınmış daşınmaz əmlakdan və Rusiyanın "VTB" bankının səhmlərindən gedir ki, bu da ümumi investisiya portfelində 1,5% paya malikdir.
Son vaxtlar Rusiya iqtisadiyyatında yaranmış problemlər bu ölkəyə qoyulmuş pulların gəlirliliyini aşağı salsa da, Fond investisiya siyasətində Rusiya rublundan imtina etmək fikrində deyil. Baş verənləri geopolitik risklərlə izah edən Şahmar Mövsümov bildirib ki, bu investisiyalar uzunmüdətli xarakter daşıyır və müəyyən dövrdən sonra özünü doğrulda bilər:
"Rusiyanın "VTB" bankı aktivlərinin həcminə görə ölkənin 2-ci bankıdır. ARDNF-lə yanaşı bu banka Norveç Fondu və Qətər Suveren Fondu kimi iri maliyyə qurumları da pul qoyub".
Xatırladaq ki, 2014-cü ilin yekunlarına görə, ARDNF-in aktivləri 37,1 milyard dollar təşkil edib. Fondun investisiya portfeli isə 36,74 milyard dollar olub.
Tarix
2015.04.07 / 13:13
|
Müəllif
Axar.az
|