"Hazırda TANAP üçün fərqli ölkələrdən təkliflər var".

Axar.az xəbər verir ki, bu açıqlama ilə Türkiyənin Enerji və Təbii qaynaqlar naziri Tanər Yıldız çıxış edib. O, uyğun təklif olarsa, Türkiyənin öz payını sata biləcəyini bildirib:

"TANAP layihəsində həm bizim, həm də SOCAR-ın payı uyğun şərtlərlə olarsa, strateji iş birliyini də nəzərə alıb sata bilərik. Hazırda TANAP üçün fərqli ölkələrdən təkliflər var. Həm ticari, həm də strateji yöndən araşdırdıqdan sonra qərar verəcəyik".

Xatırladaq ki, ötən gün ARDNŞ prezidenti Rövnəq Abdullayev İranın TANAP layihəsində iştirak etməkdə maraqlı olduğunu bildirib.

Onu da qeyd edək ki, TANAP-da SOCAR-ın 58, BOTAŞ-ın 30, BP-nin isə 12 faiz payı var.