"Neftin qiyməti Almaniyanın iqtisadi statistikasına görə bahalaşır".

Axar.az xəbər verir ki, bu açıqlama ilə "CMC Markets"in baş strateqi Maykl Makkarti çıxış edib.

Onun sözlərinə görə, Almaniyanın ixracatında və istehsal sənayesində artım neftin qiymətinə ən mühüm təsir edən amildir:

"Son günlərin göstəriciləri müəyyən müddət bazarı rahatlaşdırdı və situasiyanın investorların planlaşdırdığı kimi elə də pis olmadığı bəlli oldu. Həmçinin burada İran amili də var. Xameneyinin son çıxışından sonra bəlli olur ki, razılıq əldə olunsa belə, sanksiyalar xeyli sonra götürüləcək. Ona görə İran nefti iki həftə öncə planlaşdırıldığından fərqli olaraq, bazara tez müddətdə qayıtmayacaq".

İranın Ali Dini lideri Xameneyi dünənki çıxışında sanksiyaların dərhal ləğv edilməsini istəmişdi.

Hazırda "Brent" markalı neftin qiyməti 56,65 dollardır.