Bank məcmu kapitalda 8.8 milyon manat mənfəət əldə edib.

Axar.az xəbər verir ki, 1 aprel 2015-ci il tarixinə olan məlumata görə, "DəmirBank" 478.5 milyon manat məbləğində aktivləri ilə Azərbaycanda öncül banklar sırasına daxildir. Bankın məcmu kapitalı 1 aprel 2015-ci il tarixinə 58.8 milyon manat təşkil edib ki, bu da Mərkəzi Bankın məcmu kapitala olan tələbini 8.8 milyon manat üstələyir.

"DəmirBank" 2004-cü ildə "Fitch" beynəlxalq reytinq agentliyi ilə əməkdaşlığa başlamaqla, ölkədə beynəlxalq reytinq alan ilk özəl bank olub. Bununla yanaşı, ən son valyuta mövqeyinin yenidən qiymətləndirilməsindən sonra "Fitch Ratings" beynəlxalq qiymətləndirmə agentliyi tərəfindən Bank "stabil" proqnozlu "B" reytinqi alıb. Həmçinin DəmirBank "Planet Rating" agentliyinin "pozitiv" proqnozlu "B" reytinqlərinə malikdir ki, bunlar da Azərbaycan bank sektorunda yüksək reytinqlər sırasındadır. Reytinq proqnozları isə bankın inkişafı ilə bağlı müsbət gözləntilərdən xəbər verir.