"Türkmənistan öz qazının Avropaya ötürülməsi üçün BMT-yə Xəzərdə enerji təhlükəsizliyinin qarantı olmasını təklif edib".

Axar.az xəbər verir ki, bu informasiyanı Rusiyanın "Nezavisimaya qazeta" qəzeti yayıb.

Qəzetin xəbərinə görə, bölgədə gedən proseslər artıq Aşqabadın xeyrinə dönməyə başlayıb:

"Transxəzər qaz kəmərinin tikintisinə Moskva və Tehran mane olur. Onlar Xəzərin statusu həll olunmayana qədər istənilən qaz kəmərinin buradan keçməsinə qarşı çıxış edirlər. Transəfqanıstan qaz kəmərinə gəlincə, hələlik bölgədə qeyri-stabil vəziyyət onun həyata keçməsini çətinləşdirir. Amma situasiya getdikcə Aşqabadın xeyrinə dəyişir".

Qəzetə məsələni şərh edən politoloq Aleksandr Knyazev isə Türkmənistanın Xəzərə ABŞ qoşunlarını gətirmək istədiyini bildirib:

"Görünür, Aşqabad BMT bayrağı altında ABŞ ordusunu Türkmənistana çağırmaq istəyir. Aydındır ki, Türkmənistan rəhbərliyi 2001-ci ildəki təcrübəni unutmayıb. O zaman regional siyasətdə əsas xarici oyunçular olan Rusiya və Çin ABŞ hərbi bazalarının Qırğızıstan və Özbəkistanda yerləşməsi ilə barışmışdılar".