İngiltərə hökuməti nəhəng neft-qaz korporasiyası olan BP-nin satılacağı barədə yayılan xəbərlərə münasibət bildirib.

Axar.az xəbər verir ki, hökumət rəsmiləri neft şirkətinin satılmasına qarşı çıxacaqlarını açıqlayıblar. Artıq satışla bağlı BP rəhbərliyinə və London maliyyə mərkəzindəki yüksək səviyyəli idarəçilərə etiraz bildirilib.

İngiltərə hökumətinin BP-nin satılmasına qarşı çıxmasının səbəbi isə dünyanın nəhəng neft şirkətinin Britaniyaya məxsus olaraq qalmasıdır.

Qeyd edək ki, şirkət beş il əvvəl Meksika körfəzində meydana gələn neft sızıntısına görə külli miqdarda cərimə ödəmək məcburiyyətində qalmışdı.