"İran Türkmənistanın Rusiya asılılığını azalda bilər".

Axar.az xəbər verir ki, bu açıqlama ilə REAL İdarə Heyətinin üzvü Erkin Qədirli çıxış edib.

Onun sözlərinə görə, Türkmənistanla İran yaxınlaşmasının Azərbaycana xeyri olmayacaq:

"İranın xarici siyasəti həmişə incə olub. Rusiya kimi İran da Transxəzər qaz layihəsinə qarşıdır. Amma Rusiyadan fərqli olaraq, İran Azərbaycanı və Türkmənistanı hədələmir (hər halda ABŞ-dan çəkinəcəkləri və umacaqları var). Türkmənistana deyir ki, boruya əlavə xərc çəkmə, qazı hələlik mənə sat, pulunu bəri başdan al. ABŞ-la anlaşandan sonra isə qazını mənim üzərimdən dünya bazarına çıxar. Buna nail ola bilsə, İran Türkmənistanın Rusiyadan asılılığını azalda bilər. Amma bunun Azərbaycana xeyri olmayacaq. Rusiya kobud, İran isə incə yollarla öz maraqları baxımından Xəzərdə oyun qurur. Bu oyununun bizim maraqlarımıza uyğun olmadığı aydındır. Eyni zamanda, bu, ABŞ-İran yaxınlaşmasının içində bizim üçün potensial təhlükə yarada biləcək gedişatlardan biri ola bilər".