Dünya Bankı (DB) Azərbaycanda “Kənd təsərrüfatında rəqabətqabiliyyətliliyin artırılması” layihəsinin reallaşdırılması müddətini 2021-ci il dekabrın sonunadək uzadıb.

Axar.az xəbər verir ki, bu barədə Dünya Bankından məlumat verilib.

Bankın məlumatında qeyd olunur ki, COVİD-19 pandemiyası ilə əlaqədar layihənin reallaşdırılmasının templəri azalsa da, işlər davam etməkdədir və kənd təsərrüfatı sahəsində sahibkarlar işlərin 40 faizdən çox artdığını bildirir. Bu, layihənin səmərəliliyinin göstəricisidir. Həmçinin, qeyd olunur ki, layihə çərçivəsində kənd təsərrüfatı sahəsində 105 investisiya layihəsinə kredit xətti açılıb.

Layihə çərçivəsində kredit alan 73 sahibkarlıq subyektində istehsal ortalama 42,9 faiz, 4 başa çatmış layihə üzrə isə 74 faiz artıb

Layihənin ümumi dəyəri 53,25 milyon dollar təşkil edir ki, bunun 34,5 milyon dolları Dünya Bankı tərəfindən ayrılıb. Bu günədək kreditin 87 faizi reallaşdırılıb.