"İran Avropaya qazın nəqli üçün 5-6 marşrutu analiz edir".

Axar.az xəbər verir ki, bu açıqlama ilə İran Milli Qaz Şirkətinin rəhbəri Əzizollah Ramezani çıxış edib.

Onun sözlərinə görə, əsas marşrutlar sırasında Qara dəniz, Yaxın Şərq və Aralıq dənizi istiqamətləri yer ala bilər:

"Əsas istiqamətlərdən biri Türkiyədir. Burada İraq, Suriya və Aralıq dənizi istiqaməti də var. Lakin bu yolların hamısı normaya uyğun olaraq razılaşdırılmalıdır. Biz istənilən halda ən yaxşı marşrutu müəyyənləşdirməliyik".

Qeyd edək ki, bu gün Energetika naziri Natiq Əliyev Bakının İran, Kipr və İsraillə danışıqlar apardığını bildirib. Əliyev İranın TANAP-a qoşulmaq ehtimalının yüksək olduğunu deyib.