SOCAR Rusiyanın "Rosneft" şirkəti ilə Ukrayna, Polşa, Baltikyanı ölkələr və Şərqi Avropanın digər ölkələrinə neft məhsullarının ixrac hüququ barədə müqavilə imzalayıb.

Axar.az xəbər verir ki, bu barədə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov "RİA Novosti"yə açıqlamasında bildirib.

"SOCAR beynəlxalq neft və qaz ticarətində mövqeyini gücləndirmək niyyətindədir", - SOCAR rəsmisi deyib.

Müqaviləyə əsasən, Azərbaycan "Rosneft" məhsullarını Ukraynaya ixrac etmək hüququ əldə edib.

İ.Əhmədov hazırda tədarük həcmi və vaxtının müzakirə edildiyini vurğulayıb.