Yunanıstan Baş naziri Aleksandr Çiprasla bir sıra beynəlxalq kreditorlar arasında danışıqlar gecə yarısına qədər davam edib.

Axar.az xəbər verir ki, bu barədə informasiyanı Rusiya mətbuatı yayıb.

Mətbuatın məlumatına görə, danışıqlar nəticəsiz başa çatıb.

Bu dəfə də Afina təqaüd islahatlarının aparılması, əmək qanunvericiliyinə dəyişikliklərin əlavə olunması və dövlət işçilərinə verilən əmək haqlarının həcminin müəyyənləşdirilməsi məsələlərində beynəlxalq kreditorlarla razılaşmayıb.

Qeyd edək ki, tərəflər arasında razılıq olmasa, Yunanıstan növbəti maliyyə yardımını ala bilməyəcək. Bununla bərabər isə Yunanıstan iyun ayının sonuna qədər 1,6 milyard avroluq borcunu ödəməlidir. Əgər Afina bunu ödəyə bilməsə, defolt elan etməli olacaq ki, bu da Yunanıstanın Avropa Birliyindən çıxmasına səbəb olacaq.