Bu gündən etibarən Yunanıstanda bank və bankomatlar bir həftə ərzində işləməyəcək.

Axar.az xarici mətbuata istinadən xəbər verir ki, Yunanıstandakı maliyyə müəssisələri bir həftə və daha çox müddət ərzində fəaliyyət göstərməyəcək. Həmçinin, bankomatlar da işləməyəcək. Bir həftədən sonra isə bankomatlardan ancaq gün ərzində 60 avroya qədər pul çıxarmaq mümkün olacaq. Bu məhdudiyyətlər bircə turistlərə tətbiq edilməyəcək. Yunanıstan prezidenti kreditorların təklifi ilə bağlı iyulun 5-də referendum keçirilməsinə dair fərman imzalayıb. Kreditorların tələblərini yerinə yetirib-yetirməmək barədə qərarı xalq özü verəcək.

Afina bu fövqəladə addımı insanların hesablardan təşviş içərisində kütləvi surətdə pul çəkmələrinin qarşısını almaq məqsədi ilə atıb.