XXI əsrin ortalarında neftə tələbat azalacaq.

Axar.az xəbər verir ki, bu məlumatı Beynəlxalq Energetika Agentliyi yayıb.

Agentlik neft hasilatı ilə bağlı 3 ssenari hazırlayıb.

İlk ssenariyə əsasən, neft hasilatı 2030-cu illərin ortalarında pik həddə çatacaq. Agentlik bu tarixdə sutkalıq hasilatın 104 milyon barrel olacağını və bundan sonra azalmağa başlayacağını bildirib.

İkinci ssenaridə sutkalıq hasilatın yalnız 97 milyon barrelə qədər yüksələcəyi vurğulanıb.

Üçüncü ssenariyə görə, karbon neytrallığı əldə olunacağı təqdirdə neftə tələbat maksimum həddi keçdikdən sonra 2030-cu ilə doğru azalacaq. Bu tarixdən sonra sutkalıq hasilatın 72 milyon barrelə düşəcəyi vurğulanıb.