İldə 11 milyon ton xam neft emal həcmi olan "Star" NEZ dizel və naftadan əlavə təyyarə yanacağı və LPG kimi neft məhsulları da istehsal edir.

Axar.az xəbər verir ki, bunu Azərbaycan Dövlət Neft Şirkətinin (SOCAR) Türkiyədəki törəməsi “SOCAR Turkey Enerji A.Ş”-nin baş icraçı direktoru Zaur Qəhrəmanov deyib.

O bildirib ki, zavod Türkiyənin işlənmiş neft məhsulları ehtiyacının təxminən 25%-ni qarşılayır:

“Gündəlik 35 min kubmetr xam neft işləmə qabiliyyətinə malik olan zavodun saxlama tutumu 2020-ci ildə yeni məhsul çənləri layihəsinin tamamlanması ilə 1,9 milyon kubmetrə çatdı. Səmərəliliyi və əməliyyat rahatlığını artırmaq üçün təxminən 600 milyon dollar əlavə saxlama investisiyaları qoyulub. Bu investisiyalar başa çatdıqda, “Star”ın anbar tutumu 2,2 milyon kubmetrə qədər artacaq. Bu layihələrdən birinin 2021-ci ildə, digərinin isə 2022-ci ildə tamamlanması hədəflənir”.