Ana səhifə İqtisadiyyat |
Rusiyada illik inflyasiya 2022-ci ilin aprelində martdakı 16,69%-dən 17,83%-ə yüksəlib.
Axar.az Report-a istinadən xəbərinə görə, 2022-ci ilin əvvəlindən qiymətlər ötən ilin eyni dövrü ilə müqayisədə daha çox artıb və artımın 3/4-ü mart ayında baş verib ki, bu da 1998-ci ilin dekabrından artıq inflyasiya statistikası baxımından ən pis ay olub.
Aylıq istehlak qiymətləri 1,56% artıb. Apreldə ərzaq məhsulları mart ayına nisbətən 2,87%, illik isə 20,48% bahalaşıb. Ən çox qənd bahalaşıb – 67%. Bahalaşma digər ərzaq məhsullarına da daxildir: marqarin yağı - 12,9%, qara çay, kakao, qatılaşdırılmış süd, peçenye - 7,1-8,9%, süd, qatıq, mayonez, meyvə şirələri, qara bibər, duz, qazlı içkilər, mineral su, ketçup, dondurma, qəhvə, yaşıl çay, zəncəfil, çörək - 5,0-7,0% bahalaşıb.
Qeyri-ərzaq məhsulları aprel ayında 0,53%, illik isə 20,19% bahalaşıb. Apreldə xidmətlərin dəyəri aylıq 1,07%, illik isə 10,87% artıb.
Bundan əvvəl Mərkəzi Bank 2022-ci ilin qarşıdakı aylarında Rusiyada inflyasiyanın artacağını bildirib. Mərkəzi Bankın proqnozlarına görə, inflyasiya ilin sonuna kimi 18-23%-ə çata bilər.
Tarix
2022.05.14 / 09:58
|
Müəllif
Axar.az
|