İsrailin kənd təsərrüfatı texnologiyaları Azərbaycanda uğurla tətbiq oluna bilər.

Axar.az xəbər verir ki, bunu İsrailin Kənd Təsərrüfatı və Kənd Yerlərinin İnkişafı Nazirliyinin baş direktorunun müavini İrena Ettinger-Vaynşteyn Bakıda keçirilən Azərbaycan-İsrail Biznes Forumunda deyib.

O qeyd edib ki, Azərbaycanla İsrail kənd təsərrüfatı sahəsində əməkdaşlıq edir və bu əməkdaşlığı dərinləşdirmək niyyətindədir.

Belə ki, dünən Bakıda keçirilmiş görüşün yekunlarına əsasən bu sahədə iş aparmaq üçün birgə işçi qrupları yaradılıb.

İ.Ettinger-Vaynşteyn, həmçinin kənd təsərrüfatı sahəsində əməkdaşlıq üçün yol xəritəsinin olacağına ümid etdiyini bildirib.

O, eyni zamanda səmimi qəbula görə Azərbaycan hökumətinə minnətdarlığını bildirib və bunun ölkələr arasındakı münasibətlərin səviyyəsini nümayiş etdirdiyini vurğulayıb.