2022-ci ilin yanvar-aprel aylarında Azərbaycan 9,48 milyon ton xam neft və neft məhsulları ixrac edib ki, bu da ötən ilin eyni dövrü ilə müqayisədə 11,6 faiz azdır.

Axar.az xəbər verir ki, bu barədə Dövlət Gömrük Komitəsinin hesabatında bildirilib.

Qeyd olunub ki, Azərbaycan hesabat dövründə 4,353 milyard dollar məbləğində xam neft və neft məhsulları ixrac edib. Bu, ötən ilin yanvar-aprel ayları ilə müqayisədə 1,5 dəfə çoxdur.

2022-ci ilin yanvar-aprel aylarında neft və neft məhsullarının ixracının Azərbaycanın ümumi ixracında payı 55,35 faiz təşkil edib.