Rusiya hökuməti neftin 30 dollara düşəcəyi təqdirdə həyata keçiriləcək fəaliyyət planı hazırlayır.

Axar.az xəbər verir ki, bu barədə məlumatı RBC qəzeti yayıb.

Nəşrin Kremldən əldə etdiyi məlumata görə, yaxın vaxtlarda neft 30 dollara düşərsə, yaranacaq çətin iqtisadi vəziyyətə qarşı hazırlıq gedir.

Mənbə Baş nazir Dmitri Medvedevin başçılığı ilə keçirilən yığıncaqda neft qiymətinin 30 dollara düşməsi ilə bağlı müzakirə aparıldığını da iddia edib.

Rusiya İqtisadi İnkişaf Nazirliyinin rəsmi açıqlamalarına görə, 2015-ci ildə neftin qiymətinin 52 dollar, 2016-ci ildə 55 dollar olacağını təxmin edilir.

Eyni zamanda Rusiya Enerji Nazirliyi qiymətlərin 50 dollara düşəcəyi təqdirdə neft istehsalının kəskin azaldılacağını açıqlayıb.