Axar.az
Yuxarı

“Şahdəniz”də yeni kəşfiyyat quyusu qazılır

Ana səhifə İqtisadiyyat
12 Punto 14 Punto 16 Punto 18 Punto

Bu gün BP şirkəti Xəzər dənizin Azərbaycan sektorunda yerləşən “Şahdəniz” perspektiv sahəsinin kəşfiyyatı, işlənməsi və hasilatın pay bölgüsünə dair Saziş (ŞD HPBS) çərçivəsində “Şahdəniz” müqavilə sahəsində yeni bir kəşfiyyat quyusunun (SDX-8) qazılmasına başlanılıb.

Bu barədə Axar.az-a “Şahdəniz” yatağının operatoru “BP-Azerbaijan” şirkətindən məlumat verilib.

Bildirilib ki, SDX-8 quyusu “Heydər Əliyev” adına yarımdalma qazma qurğusu vasitəsilə qazılır. Qurğu bu quyunun “Şahdəniz” yatağının şərq cinahında yerləşən qazma ərazisinə 2022-ci ilin dekabr ayında gətirilib.

Quyunun ümumi dərinliyinin təxminən 7 000 metr olacağı nəzərdə tutulur.

"Uğurlu olacağı təqdirdə, bu quyu şərq cinahda hazırda istismarda olan məhsuldar layların altındakı daha dərin horizontların qazma xüsusiyyətləri, hasilat imkanları və qaz ehtiyatları potensialı haqqında daha aydın təsəvvür yaradacaq.

Quyunun qazılması təxminən bir il çəkəcək. Lakin mümkündür ki, nəticələri qiymətləndirmək məqsədilə lazım ola biləcək sınaq proqramı aparmaq üçün bu müddət daha uzun olsun", - məlumatda deyilir.

Qeyd edək ki, "Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb. "Şahdəniz" üzrə hasilatın pay bölgüsü (PSA) sazişi 17 oktyabr 1996-cı ildə ratifikasiya olunub. Bakıdan 70 km cənub-şərqdə yerləşən yataq 1999-cu ildə kəşf olunub.

Layihədə BP (operator – 29,99%), "LUKoil" (19,99%), TPAO (19%), SOCAR (14,35%), NİCO (10%) "SGC Upstream" (6,7%) şirkətləri iştirak edir.

Tarix
2023.01.23 / 17:34
Müəllif
Axar.az
Şərhlər
Digər xəbərlər

Neft həftəni bu qiymətlə yekunlaşdırdı

2022-ci ildə əsas kapitala yönələn vəsait 18 milyardı ötdü

Ölkəmizdə dollara tələbat kəskin azaldı: ucuzlaşacaq?

Neft yenidən bahalaşdı

Azərbaycanın ticarət dövriyyəsində bu ölkə liderdir

Əhalinin banklardakı əmanətləri 27 faiz artdı

Neftin bu günə olan qiyməti

Xarici ticarət dövriyyəsində kəskin artım oldu

Nazir elan etdi: yeni şirkət yaradıldı

Neft yenidən ucuzlaşdı

KULT
Xəbər xətti
Axar.az'da reklam Bağla
Reklam
Bize yazin Bağla