Ərəb ölkələri neft hasilatını azaldaraq qiymət artımına getməyəcək.

Bu sözləri Axar.az-a açıqlamasında ekspert Natiq Cəfərli İranın gündəlik hasilatı 500 min barrel artırmasına münasibət bildirərkən deyib.

İqtisadçının sözlərinə görə, neftinin maya dəyəri 4 dollara başa gələn İranın bu addımı gözlənilən idi:

"Qonşu ölkələr İranın neft bazarında yerini tutub. İndi İran itirilmiş yerini qaytarmaq istəyir. Buna görə də gündəlik hasilatın 500 min barrel artırılması barədə göstəriş verilib.

Ərəb ölkələri isə neft hasilatını azaldaraq qiymət artımına getməyəcək. Bu, bazar payının itirilməsinə səbəb ola bilər. Körfəz ölkələri reallıqlara uyğun hərəkət edəcək: əsas gücü nefti emal edib satmağa yönəldəcəklər".

Xatırladaq ki, İran Milli Neft Şirkətinin baş direktoru Rüknəddin Cavadi hasilatı artırmayacaqları təqdirdə qonşu ölkələrin daha çox neft istehsal edəcəyini və Tehranın bazardakı yerini tutacaqlarını bildirib.