Ana səhifə İqtisadiyyat |
Kənd təsərrüfatının kooperasiyası qarşıda duran ən əsas məsələlərdən biri olmalıdır.
Bu barədə Milli Məclisin Regional məsələlər komitəsinin sədri Arif Rəhimzadə Axar.az-a açıqlamasında deyib. Prezident İlham Əliyevin regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş konfransdakı nitqini şərh edən millət vəkili kənd təsərrüfatının inkişafının hazırda qarşıda duran əsas prioritet olduğunu bildirib:
"Dövlət başçısının regionlarla bağlı üç əsas məsələyə-iqtisadiyyatın real sektorunun daha çox kreditlərlə təmin olunması, rayonlarda sənaye zonasının yaradılması və bölgələrə investisiya axını - diqqət çəkməsi tamamilə düzgündür. Nefti çıxmaq şərtilə, bizim kənd təsərrüfatından savayı elə bir sahəmiz yoxdur ki, inkişaf edə bilək. Biz nə təyyarə, nə də ki, maşın istehsal edirik. Bunun əsas səbəbi istehsaldan sonra həmin sahənin bazarının olması amili ilə bağlıdır. Ancaq kənd təsərrüfatı məhsullarına bizim nəinki tələbatımız, əlverişli bazarlarımız da var. Odur ki, aqrar sferaya investisiya ayrılmaları artırılmalı, kənd təsərrüfatı ilə bağlı indiyə qədər olan tədbirlərəvə kənd əməkçilərinin stimullaşdırılması məsələsinə yenidən baxılmalıdır. Hesab edirəm ki, hazırda bu sahə müsbət rol oynayır və ən əsas prioritetlərdəndir. Ona görə də yeni üsullar tətbiq olunmalıdır. Kənd təsərrüfatının kooperasiyasına diqqət artırılmalı, əlavə imkanlar verilməlidir. Bir sözlə, hər cür şərait yaradılmalıdır ki, insanlar kooperasiyaya getsinlər. Bunun üçün də yeni üsul və texnologiyaların tətbiqi qarşıda duran əsas məsələlərdəndir".
Tarix
2016.01.28 / 09:14
|
Müəllif
Aygün Yusibova
|