Şokolad istehsalının əsas tərkib hissəsi olan kakao paxlasının qiyməti kəskin qalxıb.

Axar.az xəbər verir ki, bu barədə CNBC nəşrinin sorğusunda bildirilib.

Sorğuda iştirak edən analitiklər hesab edirlər ki, kakaonun qiyməti daha da arta bilər:

"Qlobal istehsalın təxminən 75%-ni təşkil edən Qərbi Afrikadan kakao tədarükü ilə bağlı narahatlıqlar son aylarda bazarı gücləndirib. Nyu York birjasında kakao paxlasının fyuçersləri çərşənbə günü 6,549 dollara (tonu) satılıb. Qiymət bu günə qədər 57%-dən çox artaraq, keçən ay ilk dəfə 6,000 dolları keçib".

Bildirilib ki, əsas problem əlverişsiz hava şəraiti ilə əlaqədar Qərbi Afrikadan tədarükün azalmasıdır. Belə ki, dünyanın kakao istehsalının 44%-i Kotdivuarın, 14%-i isə Qananın payına düşür.