Azərbaycan əvvəllər Rusiyadan Aİ-95 markalı yanacaq idxal edirdi, amma bu gün özümüz istehsal edirik.

Bu sözləri Axar.az-a iqtisadçı Rəşad Həsənov Rusiyada Aİ-95 markalı yanacağın bahalaşmasının Azərbaycana mümkün təsirlərindən danışarkən deyib.

O bildirib ki, Rusiyada qiymətlərin artmasını şərtləndirən əsas faktor Ukrayna müharibəsinin yaratdığı şəraitlə bağlıdır:

“Ukraynanın neft emalı zavodlarına zərbələri Rusiyada benzin istehsalına ciddi təsir edir, qıtlıq yaranır və bu da qiymətlərin artmasına səbəb olur. Hazırda Rusiyadan Azərbaycana Aİ-95 ixrac edilmədiyi üçün hər hansı təsirdən söhbət gedə bilməz. Onu da nəzərə almaq lazımdır ki, bu kimi hallarda bəzən vətəndaşlar öz avtomobilləri ilə quru sərhəddən digər ölkəyə keçərkən mövcud imkanlardan faydalanmağa çalışırlar. Quru sərhədlərinin bağlı olması faktorunu da nəzərə alsaq, düşünmürəm ki, Rusiya bazarlarında qiymət dəyişikliyinin Azərbaycana təsiri olsun”.