Ləğv prosesində olan Texnikabank ASC-nin ləğvedicisi dəyişib.

Bu barədə Axar.az-a Əmanətlərin Sığortalanması Fondundan məlumat verilib.

"Ləğv prosesində olan Texnikabank ASC-nin kreditorlarının və borclularının diqqətinə çatdırılır ki, 1 saylı Bakı İnzibati-İqtisadi Məhkəməsinin 2-1(81)-1541/2016 saylı 13 aprel 2016-cı il tarixli qərarı ilə ləğv prosesində olan Texnikabank ASC-nin ləğvedicisi M.M.M. Perfekt Konsaltinq MMC Əmanətlərin Sığortalanması Fondu ilə əvəzlənib. Qeyd edilən tarixdən etibarən ləğvedicisi qismində bankın adından yalnız Əmanətlərin Sığortalanması Fondunun səlahiyyətli nümayəndəsinin etdiyi hərəkətlər hüquqi qüvvəyə malikdir", - məlumatda bildirilib.

Azərbaycan Mərkəzi Bankının (AMB) İdarə Heyətinin 1 fevral 2016-cı il tarixli qərarı ilə "Texnikabank"ın lisenziyası ləğv olunub.