OPEK daxildəki siyasi fərqlərə görə nəzarət funksiyasını yerinə yetirə bilmir və islahatlara ehtiyacı var.

Axar.az xəbər verir ki, bu sözləri Almaniya mətbuatına müsahibəsində Azərbaycan əsilli milyarder, Rusiyanın "Lukoyl" şirkətinin prezidenti Vahid Ələkbərov deyib.

Onun sözlərinə görə, bu formada OPEK-in gələcəyi yoxdur:

"OPEK daxildəki siyasi fərqlərə görə nəzarət funksiyasını yerinə yetirə bilmir və islahatlara ehtiyacı var. Bu formada təşkilatın gələcəyi yoxdur. Onun imkanları artıq tükənib".

Qeyd edək ki, aprelin 17-də Qətərin paytaxtı Dohada neft ölkələrinin hasilatın dondurulması barədə görüşü baş tutub. Səudiyyə Ərəbistanı və İran arasındakı fikir müxtəlifliyinə görə, yekun razılaşma mümkün olmayıb.