Bu ilin yanvar ayında​ dövlət büdcəsinin gəlirləri 4 milyard 51.4 milyon manat təşkil edib ki, gəlirlərin icrası aylıq proqnozdan 91.3 milyon manat və ya 2,3 faiz çox olub.

Axar.az Maliyyə Nazirliyinə istinadən xəbər verir ki, gəlirlərdə İqtisadiyyat Nazirliyi yanında Dövlət Vergi Xidmətinin xətti ilə daxilolmalar 2.259.9 min manat, Dövlət Gömrük Komitəsindən 487,2 min manat, Əmlak Məsələləri Dövlət Xidmətindən 3.3 milyon manat, Dövlət Neft Fondundan transfert isə 1.206.8 milyon manat təşkil edib. Dövlət büdcəsindən maliyyələşən təşkilatların ödənişli xidmətlərindən daxilolmaları 57.2 milyon manata, sair daxilolmalar isə 37 milyon manata bərabər olub.

Məlumatdaq qeyd edilir ki, büdcə gəlirlərindəki dinamikaya uyğun olaraq xəzinədarlıq orqanları tərəfindən bütün xərc sifarişlərinin tam həcmdə və vaxtında icrası təmin olunub. Belə ki, yanvar ayında dövlət büdcəsinin xərcləri 2.339.6 milyon manat təşkil edib ki, bu da aylıq proqnozdan 12.5 milyon manat və ya 0,5 faiz çoxdur