Son zamanlar əmanət, xüsusən də xarici valyutada depozit faizlərində kəskin artımlar müşahidə olunur.

Axar.az "Xəzər Xəbər"ə istinadən xəbər verir ki, banklarda ABŞ dollarında əmanət üzrə illik faizlər 4.5 faizədək yüksəlib. Burada diqqəti çəkən əsas məqamlardan biri odur ki, banklar artıq depozitlərə sığortalanan faizlərdən daha çox gəlir təklif edirlər.

İqtisadçı-ekspert Elmir Səfərli deyir ki, qorunan əmanətlərin illik faiz dərəcəsi milli valyutada 12, xarici valyutada isə 2.5 faizdir.

Ekspert deyir ki, depozit faizlərindəki artım kredit faizlərinə də təsir göstərəcək.

Elmir Səfərli depozit faiz dərəcələrinin artımının fiziki və hüquqi şəxslərə təsirindən də danışıb.