Ötən il Azərbaycan iqtisadiyyatına cəlb olunmuş birbaşa xarici investisiyaların həcmi 7 milyard 46 milyon 217 min ABŞ dolları həcmində olub.

Axar.az Valyuta.az-a istinadən xəbər verir ki, bu barədə AMB məlumat yayıb.

Bildirilib ki, bu, öncəki illə müqayisədə 5.83% daha çoxdur. 2023-cü ildə bu rəqəm 6 milyard 658 milyon 68 min ABŞ dolları idi.

Azərbaycana birbaşa investisiya yatıran ölkələrin siyahısına 1 milyard 748 milyon 822 min ABŞ dolları ilə Birləşmiş Krallıq başçılıq edir.

Türkiyə 1 milyard 219 milyon 15 min ABŞ dolları ilə ikinci, Macarıstan isə 1 milyard 18 milyon 648 min ABŞ dolları ilə üçüncü yerdə qərarlaşıb.

İlk beşliyi isə Kipr və Birləşmiş Ərəb Əmirlikləri tamamlayıb. Bu ölkələr 2024-cü ildə Azərbaycan iqtisadiyyatına müvafiq olaraq 746 milyon 789 min ABŞ dolları və 490 milyon 156 min ABŞ dolları investisiya yatırıb.

Bütün ölkələrin siyahısı ilə aşağıdakı cədvəldən tanış ola bilərsiniz: