2016-cı ildə ABŞ-da 1,7%, Avropa Birliyi iqtisadiyyatında isə 1,6% artım gözlənilir.

Axar.az xəbər verir ki, bu barədə informasiyanı Dünya Bankı yayıb. Yeni proqnozlara əsasən, Çin iqtisadiyyatında artım bu il 6,7% olacaq. Bu, keçən ilin göstəricilərindən 0,2% azdır. Dünya Bankı bu il də Braziliyada durğunluğun davam edəcəyini bildirib.

Dünya Bankının yeni proqnozuna görə, bu il Avropa və Mərkəzi Asiyada artım (Rusiya istisna olmaqla – red.) 2,9% olacaq. Bu proqnoza Ukraynanın şərqində, Qafqazda aqressiyanın yüksəlməsi, Türkiyədəki teraktlar neqativ təsir edir. Dünya Bankının ekspertləri həmçinin 2016-cı ildə Rusiyanın ümumi daxili məhsulunun 1,2%-ə enəcəyini bildiriblər.