Rusiya təyyarələrinin Suriyada bombardman həyata keçirməsi ilə bağlı yayılan görüntülər terrorçular tərəfindən hazırlanıb.

Axar.az xəbər verir ki, bu sözləri Rusiya Müdafiə Nazirliyinin sözçüsü İqor Konaşenkov deyib.

“Hələbdə lentə alınan “Rus bombardmanı”, “Rus atəşi” və s. adlı videolar terrorçulara aid xüsusu çəkiliş qrupu tərəfindən hazırlanıb. Bəzi media orqanlarının mənbəni yoxlamadan bu görüntüləri yayması ciddi suallar doğurur. Terrorçuların təbliğatına aldanmamaq lazımdır”, - Konaşenkov bildirib.

Qeyd edək ki, Türkiyənin, eləcə də Qərbin bır sıra media orqanları Rusiya qırıcılarının Suriyanın Hələb, İdlib və digər şəhərlərini müntəzəm olaraq bombardman etməsi ilə bağlı görüntülər yayır.