Azərbaycanlı müğənni Azərin Türkiyədə baş vermiş hərbi çevriliş cəhdi zamanı şəhid olanlara mahnı həsr edib.

Axar.az xəbər verir ki, müğənni "Anadolu" agentliyinə açıqlamasında bu mahnı ilə türk xalqının mübarizə əzmini əbədiləşdirmək istədiyini deyib.

"Mahnının klipində çevriliş cəhdinin görüntüləri əks olunub. Gələcəkdə klipdə ingilis subtitrlər olacaq ki, bütün dünya 15 iyul hadisəsindən xəbər tutsun. Mahnı "İyulun 15-i gecəsi" adlanır", - deyə Azərin bildirib.

Qeyd edək ki, mahnının sözləri türk şairi Çingiz Numanoğluya, musiqisi isə azərbaycanlı bəstəkar Zümrüd Tağıyevaya məxsusdur.