Amsterdam Dairə Məhkəməsi “Skif qızılı” kolleksiyasının Ukraynaya qaytarılması haqqında qərar qəbul edib.

Axar.az xəbər verir ki, bu barədə informasiyanı “Röyter” agentliyi yayıb.

Qeyd edək ki, “Skif qızılı” kolleksiyası Krım anneksiya olunana qədər yarımadadakı muzeydə saxlanılıb. 2014-cü ilin fevralında bu qızıl sərgi üçün Bonn, daha sonra isə Amsterdam şəhərinə göndərilib. Sərgi başa çatdığı zaman Krım Rusiya tərəfindən ilhaq edilib. İndiyə qədər Ukrayna və Rusiya Niderlanddan kolleksiyanın geri verilməsini tələb edib. Kolleksiyada 500 arxeoloji eksponat var. Onların dəyəri 1,5 milyon avrodur.

Skiflərin eradan əvvəl VII əsrdən Şərqi Avropa və Asiya ərazilərində yaşadığı tarixi faktdır.