Ana səhifə Kult |
ABŞ-da məşhur musiqiçi Çak Berri 91 yaşında dünyasını dəyişib.
Kult.az TASS-a istinadla xəbər verir ki, musiqiçi Sent-Çarlzda yerləşən evində huşunu itirib, təcili yardımın müdaxiləsinə baxmayaraq, onu həyata qaytarmaq mümkün olmayıb.
Çarlz Edvard Anderson Berri Missuri ştatının Sent-Luis şəhərində 1926-cı ildə anadan olub. 1940-cı illərdə ali təhsili olmayan Berri oğurluq məqsədilə silahlı hücumda təqsirləndirilib və həbs edilib. Azadlığa çıxdıqdan sonra kiçik klublarda çıxış etməyə başlayıb.
1955-ci ildə Çikaqoda blyuz aləminin tanınmış siması Maddi Uotersomla tanış olduqda sonra həyatında dəyişiklik baş verib. Həmin il buraxdıqları disk milyon tirajla satılıb, mahnıları hitə çevrilib.
Rok-n-rollun pioneri sayılan Çak Berri azərbaycanlı müğənni Emin Ağalarovun da qonağı olub. 2014-cü ildə onun dəvəti ilə Moskvaya gələn Çak Berri Araz Ağalarova məxsus “Krokus Siti Holl”da çıxış edib.
Tarix
2017.03.19 / 10:55
|
Müəllif
Axar.az
|