Tanınmış rejissor və kino xadimi Nikita Mixalkov Qərbin Rusiyaya qarşı tətbiq etdiyi sanksiyalardan hətta kino sahəsinin də zərər gördüyünü dilə gətirib.

Axar.az İTAR TASS-a istinadən xəbər verir ki, o, bu barədə bir neçə saat bundan öncə "Puşkinski" kinoteatırında 36-cı Beynəlxalq Moskva Kinofestivalının açılışı ilə bağlı keçirdiyi brifinqdə deyib. Mixalkov bütün Rusiyada olduğu kimi, sanksiyaların kino sahəsinə də təsir etdiyini gizlətməyin mümkün olmadığını etiraf edib. Amma yaranmış vəziyyətə görə mərkəzi hakimiyyətin qınanmasının əleyhinə olduğunu xatırladıb.

Qeyd edək ki, festivalda 61 ölkədən 397 bədii film nümayiş olunacaq.