Gənc rejissor Şahin Xəlil ilk tammetrajlı filmini çəkib.

Axar.az xəbər verir ki, "Eternity Film", "Film Fiction" və "Kinotap"ın birgə iştirakı ilə rejissor Şahin Xəlilin ilk tammetrajlı filmi olan "Seçim"in treyleri yayılıb.

Filmin "no budget" çəkildiyi deyilir.

Filmdə iki qardaşın həyatından bəhs edilir. Bir qardaş digərinin fiziki qüsurlu olmasına səbəb olub və indi etdiyi bu səhvin peşmançılığı ilə yaşayır. Cəmiyyətin unudulmuş tərəfində baş verən hadisələr fonunda cərəyan edən qarışıq psixoloji sarsıntılar, hisslər və insanların faciəsindən bəhs edən film, bəşəri suallara cavab axtarmaqla absurd bir rebusa çevrilir.

Baş rollarında Eltaj Zeynalov və Rasim Əliyevin çəkildiyi filmin yaxın günlərdə təqdimatının keçiriləcəyi gözlənilir.