Azərbaycan Yazıçılar Birliyinin İdarə Heyətinin iclasının qərarı ilə millət vəkili, yazıçı Aqil Abbasa yeni vəzifə həvalə edilib.

O, bundan sonra "Füzuli Poeziya Günləri"nin təşkilatçılığıyla da məşğul olacaq. Müvafiq təkliflə Aqil Abbasın özü iclas iştirakçılarına müraciət edib:

"Yazıçılar Birliyinin xəttiylə "Sabir Poeziya Günləri" çərçivəsində hər il Şamaxı şəhərində şairin xatirəsi yad edilir. Mən təklif edirəm ki, "Füzuli Poeziya Günləri"nin keçirilməsi ilə bağlı iclas iştirakçıları qərar qəbul etsin. Mən millət vəkili olaraq bu məsələdə öz köməkliyimi göstərəcəyəm. Hər il oktyabr ayında Ağcabədi rayonunda müvafiq tədbirlərin keçirilməsi üçün lazımi təşkilatçılıq məsələlərini öz üzərimə götürürəm".

1937.az