Yazar Zahir Əzəmət tərəfindən açılan "Zero Kitab Evi" bağlanır.

Axar.az xəbər verir ki, İstiqlaliyyət küçəsində yerləşən Kitab evinin bağlanması haqqında məlumat "Zero"nun Feysbuk sosial şəbəkəsindəki hesabında paylaşılıb.

Statusu olduğu kimi təqdim edirik: "Zero Kitab evini bağlamaq qərarına gəldik. Təəssüf ki, mağaza iqtisadi cəhətdən özünü doğrultmadı. Avqust ayının 20-nə qədər bütün kitablar 30 faiz endirimlə satılacaq. Sentyabrdan bütün gücümüzü www.alokitab.az-ın inkişafına yönəldəcəyik".

Axar.az-a açıqlama verən Zahir bəy bu addımı bir az da "Alokitab.az" saytını böyütmək üçün atdıqlarını dedi:
"Zero Kitab Evi artıq 10-cu aydır fəaliyyət göstərir. İlk gündən bu yana yalnız ziyanla işləyir. Əvəzində onlayn satış sistemimiz olan "Alokitab.az" saytı daha inamla böyüyür. Buna görə də kitab satışı ilə bağlı planlarımı və gücümü Alokitab.az-a fokuslandırmağın daha doğru olduğunu düşünürəm".