Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 İyun 2018


Ağır itki: O, türk dünyasını silkələdi... – Xalq şairi

Ana səhifə Kult
12 Punto 14 Punto 16 Punto 18 Punto

Öz araşdırmaları ilə türkologiyaya böyük töhfə verən türkoloq, coğrafiyaşünas, publisist, yazıçı Murad Acının vəfatı onu sevənləri, dostlarını dərindən sarsıdıb.

Tanınmış yazıçı haqda fikirlərini Kult.az-la bölüşən millət vəkili, akademik Nizami Cəfərov onun yaxşı bir türkoloqla olmaqla yanaşı, həm də peşəkar publisist, jurnalist kimi də tanındığını bildirib.

“Murad Acı türkologiya üçün mühüm şəxsiyyət idi. Onun əsərləri Azərbaycan, rus dillərinə tərcümə olunaraq, həm ölkəmizdə, həm də Rusiyada geniş yayılmışdı. Türk dünyasının harasına getsək, Murad Acının kitablarını görərik. O, tarix üçün əvəzsiz xidmət göstərərək, türk dünyası miqyasından kənara çıxa bildi. Murad Acının əsərlərində mübahisəli məqamlar da var. Elə ilk əsəri işıq üzü görəndən bu mübahisələr yaranmağa başladı. Onun əsərləri türkologiyaya yeniliklər gətirdi. Bu gün Muradın əleyhdarları da, tərəfdarları da etiraf edirlər ki, o, türkologiyanı silkələdi, ümumi türkoloji fikirlərə yeni nəfəs verdi. Həmçinin Rusiyanın, xristianlığın tarixi ilə bağlı gördüyü işlər də olduqca mühümdür. Onun irəli sürdüyü fikirlər, ideyalar türkologiyada böyük bir xidmət olaraq qalacaq. Murad Acı o qədər də yaşlı deyildi, yeni işlər görə bilərdi. Allah rəhmət eləsin!” – akademik deyib.

Xalq şairi Sabir Rüstəmxanlı onun “Qıpçaq çölünün yovşanı” adlı kitabından və türkologiyadakı əhəmiyyətindən danışıb:

“Murad Acının vəfatı bizim üçün çox ağır itkidir. Onunla bir neçə dəfə məclislərdə görüşmüşük. Murad Acı türk dünyasının böyük tədqiqatçı alimlərindən idi. Təkcə türklərin deyil, həm də Rusiyanın, Avropanın tarixinə yeni baxış sərgiləyib. Ona görə də onun yanaşması əslində, tarixdə yeni bir dövrün başlanğıcı idi. Murad Acının araşdırmalarına və qaçılmaz faktlarına, dəlillərinə görə bir çox rus, Avropa alimi öz mövqelərini bəzən dəyişməyə məcbur olurdu. Onun “Qıpçaq çölünün yovşanı” adlı kitabı möhtəşəmdir. Xristianlığın Asiyada yayılması, islamın Avropaya təsiri və bir sıra dəyərlərin ilkin tarixi, kökü haqqında yazdıqları tarixşünaslıqda, türk tarixində böyük önəm kəsb edir. Onun xatirəsi hər zaman bütün türklərin xatirəsində yaşayacaq”.

Qeyd edək ki, məşhur türkoloq, coğrafiyaşünas, yazıçı Murad Acı bu gün vəfat edib. O, 9 dekabr 1944-cü ildə Moskvada anadan olmuşdu.

Tarix
2018.03.10 / 08:15
Müəllif
Nərmin Əkbərli
Şərhlər
Загрузка...
Digər xəbərlər

Qanuni oğrunun lüks həyat yaşayan gözəl qızı - Foto

Nigeriyalı azarkeş: Fəxr edirəm ki, azərbaycanlıyam - Video

Türk məşhurlar seçkiyə axın etdi - Foto

Hacı Nuranın palatasına at gətirdilər - Video

Hacı Nuran səhhəti ilə bağlı ölkəni tərk edir - Foto

Paşayeva yüksək mükafatla təltif edildi

İnstaqram istifadəçilərinin sayı 1 milyardı ötdü

Metrodakı şortik olayı: İlahiyyatçı və yazar baxışı

Məşhur müğənninin toyudur - Foto

Sakinlərdən etiraz: Min illik Azərbaycan türbəsi dağılır

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla