67-ci Kann Film Festivalının "Qızıl Palma" mükafatını qazanan Nuri Bilgə Ceylanın "Qış yuxusu" filmi Türkiyəni "Oskar" film festivalında təmsil edəcək.

Axar.az xəbər verir ki, Türkiyə Mədəniyyət və Turizm naziri Ömər Polad 87-ci Oskar Akademiya mükafatlarında "Ən yaxşı xarici film" nominasiyası üzrə Türkiyəni "Qış yuxusu" filminin təmsil edəcəyini açıqlayıb.

Nazir Tvitter sosial şəbəkəsindəki hesabında verdiyi açıqlamada "Qış yuxusu"nun 67-ci Kann Film Festivalında "Qızıl Palma" mükafatını qazandığını deyib. Nazir başqa bir tvit ataraq N.B.Ceylanı təbrik də edib:

"Beynəlxalq arenada böyük müvəffəqiyyətlər əldə edən Nuri Bilgə Ceylanın eyni uğuru "Oskar"da da göstərəcəyinə ümid edir, uğurlar arzulayıram".