Amerikalı məşhur aktrisa Loren Bakal 98 yaşında ölüb.

Axar.az xəbər verir ki, ailəsinə aid Boqart Vəqfi tərəfindən edilən açıqlamada Nyu Yorkdakı evində iflic keçirən aktrisanın öldüyü bildirilib.

1924-cü ildə Bruklində anadan olan aktrisa boğuq səsi və fərqli gözəlliyi ilə tanınırdı. Aktrisa kino karyerasına 1944-cü ildə "Olmaq, ya olmamaq" ("To have and have not") filmində Hollivudun əfsanəvi aktyorlarından biri Hamfrey Boqartla baş rolları paylaşaraq başlayıb. Bir çox filmlərdə baş rolları paylaşan cütlük 1945-ci ildə evlənib və Boqartın 1957-ci ildə ölümünə qədər evli qalıblar. Bakalın ikinci evliliyi 1961-ci ildə məşhur aktyor Ceyson Robardzla olub. Robardzın içki düşkünü olması bu evliliyin bitməsinə səbəb olub. Aktrisanın Boqartdan iki, Robardzdan bir uşağı var.

1953-cü ildə "Milyonerlə necə evlənməli?" filmində Merlin Manro ilə baş rolları paylaşan Bakal Brodveydə səhnəyə çıxaraq bir neçə tamaşada da rol alıb.

Kino Sənətləri və Elmləri Akademiyası 2009-cu ildə "film sənayesinin qızıl çağının ən əhəmiyyətli adlarından biri olaraq" aktrisaya xüsusi Oskar mükafatı verib. Bakalın "Özümün" adlı bioqrafik kitabı ölkəsində Milli Kitab Mükafatına layiq görülüb.